Luis Alfonso Caballero Garrido, que representa á entidade Gallega de Representaciones, Servicios y Asesoría, S.L., solicitou neste concello licenza municipal para a apertura dun establecemento dedicado á venda e reparación de maquinaria de obra, situado na rúa 7, nave 7, do polígono industrial deste concello. De conformidade co disposto no Decreto 133/2008, do 12 de xuño, polo que se regula a avaliación de incidencia ambiental, sométese a información pública polo termo de vinte días, mediante edictos no Diario Oficial de Galicia e no Boletín Oficial da provincia e exposición no taboleiro de anuncios do concello, co fin de que durante o prazo de exposición ao público, que empezará a contar desde a última publicación, poida examinarse o expediente na Secretaría deste concello, en horario de oficina.
San Cibrao das Viñas, 29 de maio de 2013
Manuel Pedro Fernández Moreiras
Alcalde