O Pleno do Concello de Vigo, en sesión ordinaria do día 29 de abril de 2013, adoptou o seguinte acordo:
«Primeiro. Aprobar, ao abeiro do disposto no artigo 47.4 da Lei de ordenación urbanística e protección do medio rural de Galicia (Louga), o cambio de uso dotacional clase Administración Pública, previsto polo PXOM/08 para a parcela municipal número 000123, sita na rúa Ángel de Lema y Marina, nº 46 (Teis), na que se situa o Parque Central de Bombeiros, polo uso dotacional clase servizo Público.
Segundo. Publicar este acordo no BOP e no DOG e notificalo, para o seu coñecemento, á Oficina de Patrimonio, á Área de Seguridade, Mobilidade e Xestión Municipal así como ao Servizo de Cartografía, á Oficina de Proxectos Municipais, á Oficina de Planeamento-Xestión, á Oficina de Intervención Urbanística e á Información da Xerencia Municipal de Urbanismo.
Terceiro. Remitir o presente acordo, xunto con dúas copias debidamente dilixenciadas do aprobado, á Consellería de Medio Ambiente, Territorio e Infraestruturas da Xunta de Galicia, para o seu coñecemento e efectos. No anuncio de aprobación, referido no punto dispositivo segundo deste acordo, farase constar esta remisión».
O acto de aprobación do citado cambio de uso dotacional foi comunicado á Consellería de Medio Ambiente, Territorio e Infraestruturas con data do 13 de maio de 2013.
Vigo, 13 de maio de 2013
P.D. (Resolución do 8.2.2013)
María del Carmen Silva Rego
Vicepresidenta da Xerencia Municipal de Urbanismo