De conformidade co acordo da Xunta de Goberno Local de 4 de marzo de 2013, por medio deste anuncio efectúase a convocatoria do procedemento aberto, atendendo á oferta economicamente máis vantaxosa, con varios criterios de adxudicación, para a adxudicación do contrato de xestión do servizo de inmobilización e retirada de vehículos da vía pública e o seu depósito e garda, baixo a modalidade de concesión, conforme os seguintes datos:
1. Entidade adxudicadora.
a) Organismo: Concello de Xinzo de Limia.
b) Dependencia que tramita o expediente: Secretaría.
2. Obxecto do contrato.
a) Descrición do obxecto: xestión do servizo de inmobilización e retirada de vehículos da vía pública, o seu depósito e garda.
d) Prazo de duración: 4 anos, sen posibilidade de prórroga.
3. Tramitación e procedemento.
a) Tramitación: ordinaria.
b) Procedemento: aberto.
4. Retribucións do concesionario: os ingresos procedentes da recadación da taxa fixada na ordenanza fiscal para o servizo, así como unha achega municipal anual que se fixa nun importe máximo de 25.000 €, e que poderá ser minorada nas súas ofertas polos licitadores.
5. Garantías.
a) Garantía provisional: non se exixe.
b) Garantía definitiva: 5 % do importe de adxudicación, excluído o IVE. Determinarase de acordo co previsto na cláusula 15ª do prego.
6. Obtención de documentación e información.
a) Entidade: Concello de Xinzo de Limia.
b) Domicilio: Curros Enríquez, 15.
c) Localidade e código postal: Xinzo de Limia, 32630 (Ourense).
d) Teléfono: 988 55 01 11.
e) Telefax: 988 55 01 12.
7. Criterios de valoración das ofertas.
a) Os criterios de adxudicación avaliables de forma automática son os seguintes:
– Minoración da achega municipal ao financiamento do servizo (subvención por importe máximo de 25.000 €/ano): de 0 a 20 puntos.
– Cantidade ofertada como canon anual a favor da Administración polo desfrute da concesión: de 0 a 15 puntos.
b) Os criterios de adxudicación avaliables a través dun xuízo de valor son os seguintes:
– As melloras no servizo que, cumprindo coas previsións establecidas neste prego e gardando relación co obxecto do contrato, contribúan á mellor xestión deste. Deben facer constar o importe económico a que ascenden: de 0 a 10 puntos.
– Plan de organización da xestión do servizo proposto polos licitadores, no cal se describirá a forma en que se vai xestionar este, medios persoais que se van adscribir, medios materiais, en particular achegando documentación gráfica e descritiva do vehículo guindastre con que se pretende desenvolver o servizo, características que reúna, con suxeición a cláusula 2ª deste prego: de 0 a 5 puntos.
– Situación xeográfica do centro operativo da empresa respecto á localidade de Xinzo de Limia: de 0 a 2 puntos.
8. Presentación das ofertas.
a) Prazo de presentación: quince (15) días naturais desde a publicación do anuncio no BOP, DOG e perfil do contratante da Deputación de Ourense (último anuncio).
b) Documentación que cómpre presentar: a recollida na cláusula 8ª do prego. O modelo da proposta económica recóllese no anexo do prego que se pode obter no perfil do contratante da Deputación de Ourense.
c) Lugar de presentación: Rexistro Xeral do Concello de Xinzo de Limia.
9. Apertura das ofertas: ás 13.00 horas do día hábil seguinte ao de remate do prazo de presentación das propostas, na sala de xuntas do Concello de Xinzo de Limia.
10. Composición da mesa de contratación: fíxase na cláusula 9ª do prego.
11. Gastos de anuncios: serán por conta do adxudicatario.
12. Perfil de contratante onde figuran as informacións relativas á convocatoria e onde se poden obter os pregos: http://dpou.depourense.es/on-line/perfil/
Xinzo de Limia, 27 de maio de 2013
Antonio Pérez Rodríguez
Alcalde