En cumprimento do establecido no artigo 92.2 da Lei 9/2002, do 30 de decembro, de ordenación urbanística e protección do medio rural de Galicia, faise público que o Pleno da Corporación Municipal de Zas, en sesión do 13 de maio de 2013, adoptou o seguinte acordo:

«Primeiro. Continuar co procedemento e aprobar definitivamente o plan parcial que afecta o sector de solo urbanizable I2 que desenvolve o Plan xeral de ordenación municipal deste municipio tal e como o recolle o documento para a aprobación definitiva abril 2013, redactado polos arquitectos sinalados nos antecedentes.

Segundo. Comunicar á consellería competente en materia de urbanismo e ordenación do territorio este acordo e xuntarlle dous exemplares dilixenciados do plan aprobado.

Terceiro. Ordenar a publicación deste anuncio no Diario Oficial de Galicia facendo constar a data de remisión á consellería, e publicar o documento que conteña a normativa e as ordenanzas no Boletín Oficial da provincia da Coruña.

Cuarto. Contra este acordo, que pon fin á vía administrativa, poderase interpoñer recurso contencioso-administrativo, ante a sala correspondente do Tribunal Superior de Xustiza de Galicia, no prazo de dous meses contados desde o día da publicación do último dos anuncios citados no parágrafo anterior, segundo dispoñen os artigos 10 e 46 da Lei  29/1988, do 13 de xullo, reguladora da xuridición contencioso-administrativa».

Faise público, ademais, que o 29 de maio de 2013 se remitiu á Consellería de Medio Ambiente, Territorio e Infraestruturas certificación do acordo plenario de aprobación definitiva e dous exemplares dilixenciados do plan parcial aprobado definitivamente.

Zas, 30 de maio de 2013

Manuel Muíño Espasandín
Alcalde