No uso das competencias atribuídas a esta xefatura territorial e en virtude do disposto no artigo 71 e 59 da Lei 30/1992, de réxime xurídico das administracións públicas e do procedemento administrativo común (de agora en diante LRXAP-PAC), ao seren devoltas polo servizo de correos as notificacións enviadas no seu día, cos requirimentos de documentación nos procedementos instados polos/as interesados/as, publícase mediante este edicto, de conformidade co disposto no artigo 61 da LRXAP-PAC para que no prazo de 10 días contados dende a data seguinte á da publicación deste edicto, presenten a documentación requirida, nas dependencias da Xefatura Territorial de Traballo e Benestar de Vigo (Edificio Administrativo da Xunta de Galicia de Vigo, rúa Concepción Arenal nº 8, 1ª planta); advirtíndolles que, de non facelo así, se considerarán notificados para os efectos que se sinalan ao pé do presente edicto.

Vigo, 24 de maio de 2013

María Peón Fernández
Xefa territorial de Vigo

ANEXO

Efectos por non acreditar a documentación requirida:

– Paralizarase o expediente e, transcorridos 3 meses, producirase a súa caducidade, co arquivo das actuacións practicadas, de conformidade co establecido no artígo 92 da
LRXAP-PAC (BOE nº 285, do 27 de novembro de 1992), modificada parcialmente pola Lei 4/1999, do 13 de xaneiro (BOE nº 12, do 14 de xaneiro).