Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:

Solicitante: Unión Fenosa Distribución, S.A.

Domicilio social: avenida de Arteixo, 171, 15007 A Coruña.

Denominación: LMTS, CTS, CS Urbanización O Boial, Beleicón.

Situación: concellos de Narón e Ferrol.

Características técnicas: liña eléctrica subterránea de media tensión, a 15/20 kV, condutor tipo RHZ1, lonxitude de 5.155 m, coa súa orixe na cela de liña existente na subestación de Cornido (expediente 25862), e final no CT Pallota (expediente 11726) realizando entrada e saída nos CCTT e no CS O Boial proxectados.

Centros de transformación prefabricados, números 1, 2, 4, 7, 8 e 9, cunha potencia de 630 kVA cada un, e relación de transformación respectiva de 15.000/400-230 V.

Centros de transformación prefabricados, números 3, 5 e 6, cunha potencia de 400 kVA cada un, e relación de transformación respectiva de 15.000/400-230 V.

Centro de seccionamento prefabricado 6L Uniblock.

Cumpridos os trámites ordenados na Lei 54/1997, do 27 de novembro (Boletín Oficial del Estado núm. 285), do sector eléctrico, e no título VII, capítulo II, do Real decreto 1955/2000, do 1 de decembro (Boletín Oficial del Estado núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e o ambiente.

A instalación executarase nun prazo non superior a un ano, contado a partir da data desta resolución.

Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

A Coruña, 9 de maio de 2013

Susana Vázquez Romero
Xefa territorial da Coruña