Por acordo da Xunta de Goberno Local, do 25 de abril de 2013, aprobouse o prego de cláusulas administrativas particulares e prescricións técnicas que deben rexer a adxudicación por procedemento aberto, mediante a consideración de varios criterios de selección e tramitación ordinaria, do servizo de axuda a domicilio no concello da Illa de Arousa.

Anúnciase a licitación de acordo coas seguintes prescricións:

1. Entidade adxudicadora: Concello da Illa de Arousa.

2. Obxecto do contrato: prestación do servizo de axuda a domicilio no concello da Illa de Arousa.

3. Duración: dous anos desde a formalización do contrato, prorrogable nunha ou sucesivas prórrogas por dous anos máis.

4. Tramitación, procedemento e forma de adxudicación:

a) Tramitación: ordinaria.

b) Procedemento: aberto.

c) Forma: varios criterios de selección.

5. Tipo de licitación:

– Prezos/hora máximo prestación básica/dependencia.

– Hora ordinaria (luns a sábado): 11,26 euros.

– Hora extraordinaria (domingos e festivos): 13,16 euros.

– IVE (10 % básica/4 % dependencia): o que corresponda.

– Total:

– Importe máximo estimado para cada ano: 35.000,00 euros.

6. Garantías:

a) Provisional: non se exixe.

b) Definitiva: 5 % do importe máximo estimado para cada ano.

7. Obtención de documentación e información:

a) Entidade: Concello da Illa de Arousa.

b) Domicilio: r/ Palmeira, nº 25.

c) Teléfono: 986 52 70 80.

d) Fax: 986 52 87 00.

8. Requisitos específicos do contratista:

Os especificados no prego de cláusulas administrativas particulares.

9. Variantes: non se admiten.

10. Prazo de garantía: tres meses desde a conclusión do contrato, logo de informe favorable dos servizos técnicos municipais.

11. Presentación de ofertas:

a) Data límite de presentación: quince (15) días naturais desde a publicación deste anuncio no Diario Oficial de Galicia.

b) Documentación que hai que presentar: a especificada no prego de cláusulas administrativas particulares.

c) Lugar de presentación: Rexistro do Concello da Illa de Arousa, de luns a venres, das 9.00 ás 14.00 horas, e sábados, das 10.00 ás 13.00 horas.

12. Apertura de ofertas: ás 13.00 horas do oitavo día hábil seguinte ao día de remate do prazo de presentación de proposicións, agás sábados, se as circunstancias o permiten.

13. Gastos de anuncios: serán por conta do adxudicatario.

A Illa de Arousa, 22 de maio de 2013

José Manuel Vázquez Vázquez
Alcalde