Gas Galicia SDG, S.A., co CIF A15383284 solicitou a este concello a licenza de obras e a licenza de actividade para a ampliación dunha planta satélite de almacenamento e gasificación de gas natural licuado, mediante a instalación dun depósito de 30 m3 para a subministración a consumos domésticos, comerciais e industrial nos municipios de Cee e Corcubión, situada en Chafarís (A Pereiriña), de Cee. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese o devandito expediente ao trámite de información pública por un período de vinte días a partir da publicación do último anuncio, ben no Boletín Oficial da provincia da Coruña ou no Diario Oficial de Galicia, co fin de que poida examinarse o expediente nas oficinas municipais polas persoas que se consideren afectadas pola actividade que se pretende instalar e poidan alegar o que consideren oportuno.
Cee, 14 de maio de 2013
Zaira Rodríguez Pérez
Alcaldesa