De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que se relaciona no anexo o acordo de incoación do expediente sancionador S-P-08.13 por infracción da Lei 8/1995, do 30 de outubro, do patrimonio cultural de Galicia.
A interesada disporá dun prazo de quince días hábiles, contados desde o día seguinte ao da publicación deste anuncio, para examinar o expediente nas dependencias do Servizo de Coordinación da Área Cultural da Xefatura Territorial da Consellería de Cultura, Educación e Ordenación Universitaria en Pontevedra, e para presentar cantas alegacións, documentos ou informacións considere convenientes e, de ser o caso, propoñer proba, concretando os medios de que pretenda valerse.
Advírteselle á interesada que, de non efectuar alegacións sobre o contido do dito acordo no citado prazo, a iniciación poderá ser considerada proposta de resolución cos efectos previstos nos artigos 18 e 19 do Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto.
Santiago de Compostela, 21 de maio de 2013
Roberto Pena Puentes
Xefe do Servizo de Vixilancia e Inspección
ANEXO
Nº de expediente: S-P-08.13.
Interesada: Áridos Ecológicos, S.L.U.
Último enderezo coñecido: lugar da Reigosa, 43, Tourón, 36828 Ponte Caldelas.
Feitos imputados: vertedura de entullos na área de exclusión do petróglifo da Raña.
Tipificación: artigo 91.h) da Lei 8/1995, do 30 de outubro, do patrimonio cultural de Galicia.
Precepto sancionador: artigo 95 da Lei 8/1995, do 30 de outubro, do patrimonio cultural de Galicia.