SAT Tendeiro, Sociedade Agraria de Transformación, solicitou licenza municipal de actividade sometida a avaliación de incidencia ambiental de conformidade co Decreto 133/2008, do 12 de xuño.
A actividade para a cal solicita licenza identifícase co rexistro de entrada nº 1990/2013, para proxecto de instalación de silos trincheira segundo proxecto asinado pola arquitecta, Mª Ángeles Miraz Vázquez, na parroquia de Santa Cruz de Parga, polígono 384, parcela 7 do concello de Guitiriz.
De acordo co disposto no punto 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública polo período de vinte (20) días hábiles, co fin de que durante este –que comezará a contarse desde o día seguinte ao da inserción deste edicto no BOP e no Diario Oficial de Galicia– poidan examinar o expediente, na Secretaría Xeral, as persoas que dalgún xeito se consideren afectadas polas actividades que se pretendan instalar e formular por escrito as reclamacións ou observacións que xulguen oportunas.
O prazo de exposición pública computarase desde a última das publicacións oficiais sinaladas.
Guitiriz, 28 de maio de 2013
Xosé María Teixido Núñez
Alcalde