Visto o expediente para outorgamento de autorización administrativa e aprobación do proxecto de execución das instalacións eléctricas que a seguir se cita:
Solicitante: Gasóleos Ceao, S.L.
Domicilio social: r/ Canteiros, 20, 27004 Lugo.
Denominación: distribución de LMT, CT e RBT en PE CC1 Polinox.
Situación: concello de Outeiro de Rei.
Características técnicas:
– LMTS a 20 kV, con orixe no CS Kentes (existente), entra e sae no CT PE CC1 Polinox (proxectado) e remata nun empalme coa liña de media tensión soterrada existente con dirección ao CT PE Outeiro 3, cunha lonxitude de 160 metros de condutor proxectado tipo RHZ-240.
– CT PE CC1 Polinox en edificio prefabricado tipo PFU 3, cunha potencia de 100 kVA no cal se instalan dúas celas de liña e unha de protección, relación de transformación 20.000/400-230V.
– RBTS con orixe no CT PE CC1 Polinox, cunha lonxitude de 203 metros de condutor tipo RV.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 7 de maio de 2013
José Manuel Vázquez Leirado
Xefe territorial de Lugo
