Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:
Solicitante: Cooperativa Cova de Vales, S.C.C.
Domicilio social: Cabrui, 15685 Mesía.
Denominación: cambio entroncamento LMT a CT Cooperativa Cova de Vales.
Situación: Cabrui, Mesía
Características técnicas: liña de MT aérea a 15 kV de 25 m de lonxitude, cable LA-30, con orixe en apoio existente da LMT CES707 Visantoña 7 e remate en apoio proxectado na LMT ao CT da cooperativa.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da publicación desta resolución; tamén poderá interpoñer calquera outro recurso que estime pertinente ao seu dereito.
A Coruña, 9 de maio de 2013
Susana Vázquez Romero
Xefa territorial da Coruña