A Dirección de Augas de Galicia, ao abeiro da Resolución do 30 de xaneiro de 2012 de delegación de competencias ditada pola presidencia do organismo e de acordo co establecido no Decreto 32/2012, do 12 de xaneiro, polo que se aproba o estatuto da entidade pública e para os efectos previstos na normativa da Unión Europea reguladora dos fondos europeos, en relación coa obriga de información e publicidade das actuacións cofinanciadas polos ditos fondos, procede a dar publicidade das actuacións hidráulicas cofinanciadas pola Unión Europea que se citan a continuación:
1) Entidade encomendante:
Organismo: Augas de Galicia.
Actuacións: obra e servizo.
Tipo de tramitación: encomenda de xestión a empresas como medios propios instrumentais e servizos técnicos do poder adxudicador.
2) Obxecto da encomenda: obra e servizo.
a) Descrición: senda fluvial nos ríos Tea e Xabriña no concello de Mondariz. Mondariz (Pontevedra).
Número de expediente: OH.436.1020.
Orzamento: importe neto: 269.715,26 euros. Importe total: 326.355,46 euros.
Empresa encomendada: Empresa de Transformación Agraria, S.A.
Data de formalización da encomenda de xestión: 3 de maio de 2012.
b) Descrición: senda fluvial pola marxe dereita do río Tea nos concellos de Mondariz e Ponteareas. Mondariz e Ponteareas (Pontevedra).
Número de expediente: OH.436.1061.
Orzamento: importe neto: 271.162,83 euros. Importe total: 328.107,02 euros.
Empresa encomendada: Empresa de Transformación Agraria, S.A.
Data de formalización da encomenda de xestión: 3 de maio de 2012.
c) Descrición: servizo para o desenvolvemento e execución do plan de control de verteduras na demarcación hidrográfica de Galicia-Costa. Zonas Norte, Centro e Sur.
Número de expediente: OH.988.336.SV.
Orzamento: importe neto: 619.849,35 euros. Importe total: 750.017,71 euros.
Empresa encomendada: Tecnologías y Servicios Agrarios, S.A.
Data de formalización da encomenda de xestión: 19 de febreiro de 2013.
3) Cofinanciamento da Unión Europea.
As obras sinaladas coas letras a) e b) do punto 2) anterior están cofinanciadas pola Unión Europea a través do Fondo Europeo de Desenvolvemento Rexional (Feder) nun 75 %, no marco da 2ª convocatoria do Programa operativo de cooperación transfronteiriza España-Portugal (POCTEP) 2007-2013, eixe prioritario de cooperación e xestión conxunta en ambiente, patrimonio e contorno natural, Proxecto «Impulso dunha rede intercomunitaria de excelencia ambiental mediante a rehabilitación de ecosistemas fluviais naturais con fins turísticos», código: 0476_AQUATURNAT_1_E. Investimos no seu futuro. Unha maneira de facer Europa.
O servizo sinalado coa letra c) do punto 2) anterior está cofinanciado pola Unión Europea a través do Fondo Europeo de Desenvolvemento Rexional (Feder) nun 80 %, no marco do programa operativo Feder Galicia 2007-2013, eixe prioritario de intervención 3: ambiente, contorno natural, recursos hídricos e prevención de riscos. Tema prioritario ou medida 46: tratamento de auga (auga residual). Actuación 3.46.10: actuacións e medidas encamiñadas ao control das verteduras e da contaminación das masas de auga. Unha maneira de facer Europa.
Santiago de Compostela, 13 de maio de 2013
P.D. (Resolución 30.1.2012; DOG nº 21, do 31 de xaneiro)
Francisco Menéndez Iglesias
Director de Augas de Galicia