A Xunta de Goberno local, na sesión que tivo lugar o día 18 de abril de 2013, adoptou entre outros, o seguinte acordo:

a) Aprobar inicialmente a modificación puntual do Plan especial de protección e rehabilitación da cidade histórica (PE-1) que afecta os artigos 150, 151, 152 e 155 da normativa urbanística, segundo o proxecto formulado de oficio polo Concello de Santiago de Compostela.

b) Someter o documento inicialmente aprobado ao trámite de información pública, durante o prazo dun mes, mediante anuncios que para o efecto se publicarán no Diario Oficial de Galicia e en dous xornais dos de maior circulación na provincia.

c) En cumprimento do exixido polo artigo 45 da Lei 8/1995, do patrimonio cultural de Galicia, solicitarase o informe do director xeral de Patrimonio Cultural.

d) Con carácter previo á aprobación definitiva polo Pleno municipal, e logo do acordo de aprobación provisional que compete adoptar á Xunta de Goberno Local, deberá solicitarse o informe, preceptivo e vinculante, do órgano competente da Consellería de Medio Ambiente, Territorio e Infraestruturas, consonte o disposto polo artigo 69.4 da LOUG.

Durante o prazo dun mes, contado desde o día seguinte ao da publicación do presente anuncio no Diario Oficial de Galicia, os interesados poderán consultar o expediente no Servizo de Planeamento e Xestión e formular por escrito as alegacións que xulguen oportunas.

Santiago de Compostela, 24 de abril de 2013

María Pardo Valdés
Concelleira da Área de Desenvolvemento Urbano e Sostible