Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Técnicas de Nutrición, S.A.
Domicilio social: A Rocha, 15660 Cambre.
Denominación: modificación de coxeración Técnicas de Nutrición a Todo-todo.
Situación: concello de Cambre.
Características técnicas:
3 celas de reparo e seccionamento tipo 3L coa seguinte disposición: 1 cela rede, 1 cela de coxeración e 1 cela para fábrica, que se instalarán no edificio do centro de transformación da fábrica, e unha tensión de 20 kV (expediente inicial 808/1996).
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II, do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada, ante o conselleiro de Economía e Industria, no prazo dun mes contado a partir do día seguinte ao da notificación desta resolución. Tamén se poderá interpor calquera outro recurso que se considere pertinente.
A Coruña, 11 de abril de 2013
Susana Vázquez Romero
Xefa territorial da Coruña