De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle, mediante a publicación no Diario Oficial de Galicia e exposición no taboleiro de edictos do Concello de Viveiro, a Sergio Ariel Calderón, con DNI X8297188F, propietario do vehículo Ford Fiesta, 1.3, con matrícula LU-4163-N e número de bastidor VS6AXXWPFAMU41350, o seguinte requirimento:

Segundo acta do policía portuario do porto de Viveiro con NIP 367030, efectuada ás 14.44 horas do día 20 de febreiro de 2013, acta á cal se xuntan fotografías, na zona do porto de Viveiro situada detrás da estación de autobuses atópanse dous vehículos en estado de abandono.

Un deses vehículos é un Ford Fiesta 1.3, de cor branca, con matrícula LU-4163-N e bastidor VS6AXXWPFAMU41350, do cal, de acordo cos datos que facilita a Xefatura Provincial de Tráfico de Lugo, é titular na actualidade Sergio Ariel Calderón, con DNI X8297188F e domicilio no Pedregal, 24, 1º A, Covas, Viveiro, vehículo que leva estacionado máis dun mes nese lugar con graves danos tal e como se aprecia nas fotografías anexas á acta.

Considerando o exposto, e xa que na zona onde se atopa o vehículo a entidade pública Portos de Galicia é a Administración competente en materia de xestión de tráfico, de conformidade co disposto no artigo 86.1 do Real decreto lexislativo 339/1990, do 2 de marzo, que aproba o texto articulado da Lei sobre tráfico, circulación de vehículos de motor e seguridade viaria, requírese o titular para que nun prazo máximo dun mes contados desde a súa notificación proceda a retirar o vehículo da zona de servizo do porto de Viveiro.

No caso de incumprirse este requirimento, Portos de Galicia, sen máis trámites, daralle ao vehículo tratamento de residuo, e procederá en consecuencia ao seu traslado a centro autorizado de tratamento de vehículos para a súa posterior destrución e descontaminación.

O anterior enténdese sen prexuízo das sancións administrativas que procedan en dereito.

Para o seu exame, o expediente completo atópase nas dependencias dos servizos centrais de Portos de Galicia en Área Central; praza de Europa, 5-A, 6º, 15707 Santiago de Compostela.

E para que conste e sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula.

Santiago de Compostela, 13 de maio de 2013

José Ignacio Villar García
Director de Portos de Galicia