Por Decreto da Alcaldía do 25 de abril de 2013 aprobáronse os pregos que rexen a licitación seguinte:
1. Entidade adxudicadora: Concello do Porriño (expediente 18/13).
2. Obxecto do contrato: prestación dos servizos de consultoría, asistencia e asesoramento técnico-xurídico en materia de xestión de recursos humanos e contratación administrativa.
3. Tramitación e procedemento de adxudicación: urxente e aberto, con multiplicidade de criterios de valoración.
4. Orzamento base de licitación: 14.520 € (12.000 €+2.520 € en concepto de IVE), e un prazo de execución dun ano (prorrogable anualmente, ata un máximo de catro anos en total).
5. Garantías: garantía definitiva: 5 % do importe de adxudicación.
6. Prazo de presentación das proposicións: oito días naturais desde o día seguinte ao da última publicación deste anuncio no Diario Oficial de Galicia, no Boletín Oficial da provincia e no perfil do contratante do Concello do Porriño (www.contratosdegalicia.es).
7. Apertura das ofertas: segundo o establecido no prego de cláusulas administrativas particulares que rexen a licitación.
8. Gastos de anuncios: serán por conta do licitador que resulte adxudicatario.
9. Páxina onde figuran os datos da convocatoria: www.contratosdegalicia.es
O Porriño, 25 de abril de 2013
José Nelson Santos Argibay
Alcalde