1. Entidade adxudicadora.

a) Organismo: Concello de Marín.

b) Dependencia que tramita o expediente: Secretaría.

c) Enderezo: avenida de Ourense, s/n, 36900 Marín.

d) Número de expediente: 116/13.

2. Obxecto do contrato.

a) Tipo: servizos.

b) Descrición: prestación de información e asesoramento xurídico ás usuarias do CIM por avogado/a en exercicio que posúa formación en temas relacionados co principio de igualdade de oportunidades e experiencia profesional, ambas as dúas acreditadas.

c) División por lotes e número de lotes: non.

d) Lugar de execución: Centro de Información á Muller do Concello de Marín.

e) Localidade e código postal: 36900 Marín.

f) Prazo de prestación: dous (2) anos, contados a partir do seguinte ao da sinatura do contrato.

g) Admisión de prórroga: a duración do presente contrato poderá prorrogarse por un ano, por mutuo acordo das partes, manifestado expresamente e por escrito, con polo menos quince días hábiles de antelación ao vencemento do prazo inicial.

h) CPV: 85312320-8.

3. Tramitación e procedemento.

a) Tramitación: ordinaria.

b) Procedemento: aberto, con pluralidade de criterios de valoración das ofertas.

c) Criterios de adxudicación:

– Criterios avaliables automaticamente:

1. Mellor oferta económica: ata 60 puntos.

2. Aumento do número de horas semanais de asistencia sobre a xornada mínima semanal prevista nos pregos: ata 20 puntos.

– Criterios avaliables por xuízo de valor:

1. Proxecto de intervención: ata 20 puntos.

4. Orzamento base de licitación.

Importe neto: 10.057,47 euros anuais.

Importe total: 12.169,54 euros anuais.

5. Garantías exixidas: definitiva: 5 % do importe de adxudicación, IVE excluído.

6. Obtención de documentación e información: Concello de Marín. Avenida de Ourense, s/n, 36900 Marín, teléfono: 986 88 03 00; fax: 986 88 20 13. Enderezo na internet do perfil do contratista: http://www.concellodemarin.es. Poderá obterse documentos e información ata a data de finalización do prazo de presentación de ofertas.

7. Requisitos específicos do contratista.

a) Acreditación da solvencia:

a. Solvencia económica ou financeira: declaración apropiada de entidade financeira ou xustificante da existencia dun seguro de indemnización por riscos profesionais.

b. Solvencia técnica: estar en posesión da titulación de licenciado/a en Dereito e acreditar experiencia de polo menos un ano na prestación de servizos profesionais análogos aos que constitúen o obxecto da presente contratación e formación específica en temas relacionados coa igualdade de oportunidades.

8. Presentación de ofertas ou de solicitudes de participación.

a) Lugar de presentación: Concello de Marín, Rexistro Xeral situado na Casa Consistorial, de luns a venres das 9.00 ás 14.00 horas, e os sábados das 9.00 ás 13.00 horas. Tamén se poderán presentar ofertas por correo, na forma establecida na cláusula 12 do prego de cláusulas administrativas particulares.

b) Prazo de presentación: quince días contados desde a última publicación (BOP, DOG ou perfil).

c) Documentación exixida: a prevista na cláusula 13 do prego de cláusulas administrativas particulares.

9. Apertura dos sobre B e C.

a) Enderezo: dependencias da Casa Consistorial (avenida de Ourense, s/n, 36900 Marín).

b) Data e hora: conforme o establecido na cláusula 16 do prego de cláusulas administrativas particulares.

10. Gastos de publicidade: por conta do adxudicatario ata o importe de 1.000 euros.

Marín, 23 de abril de 2013

María P. Ramallo Vázquez
Alcaldesa