Mario Barreiro Barreiro, en representación de Visóns Chan do Monte, S.L., solicitou desta alcaldía licenza municipal para legalización e ampliación de granxa de visóns no predio Chan do Monte, Feáns-Broño (Negreira). En cumprimento do disposto no artigo 8.1 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este, que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia, poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretende instalar e formular por escrito as reclamacións ou observacións que se xulguen oportunas.

Negreira, 15 de abril de 2013

José Blanco Pazos
Alcalde