O tenente de alcalde responsable da Área de Medio Ambiente, Infraestruturas e Territorio, con data do 13 de marzo de 2013, por delegación do alcalde a través do Decreto do 13 de xuño de 2011; emite decreto en que se aproban os seguintes puntos:

«Decreto.

1. Ratificar o Decreto do 13 de xuño de 2012 respecto ao punto 2 que se transcribe a continuación.

Aprobar inicialmente a expropiación parcial do local comercial 1 da planta baixa do inmoble num. 17 da rúa Entrepeñas; cuxa relación de bens e dereitos afectados é:

Titular: Juan M. Rabuñal Román e Carmen Vilariño Cañas.

Ben: Local Comercial 1 Entrepeñas 17.

Predio rexistral: 26.157, folio 120, libro 322.

Tipo de afección: parcial.

Superficie afectada: 4 m2.

2. Aprobar inicialmente a expropiación parcial do soto do inmoble Entrepeñas 17, cuxa relación de bens e dereitos afectados é:

Titulares:

Ángel Castro Ríos/Amalia Seoane Fuentes.

Isabel Peaguda Losada/José Gándara Fernández.

José A. Fernández Paderne/Esperanza Uriz Fernández.

Manuel J. Mosquera Martínez.

Manuel Martínez Rivera/Inés Mª Pan Santiago.

Roberto Souto Fraga/Carmen Landeira Pombo.

Antonio Chao Chao.

Atilano Ameneiro Costa/María Julia Prieto López.

Antonio Chao Chao/María Asunción Lema Lema.

Amelia García Alvárez/Norberto Gómez Sánchez.

José López Frade/María Olga Tojo Dominguez.

José A. Iglesias Alvárez/Josefina López Teijeiro.

Lucía Margarita Rey González/Jesús Calvo Alonso.

Ben: volumen na zona de circulación do garaxe de rúa Barcelona, 42.

Predio rexistral: 26.155 e 26.155/5G.

Tipo de afección: parcial.

Superficie afectada: 7,35 m2. Ocúpase un volume no teito dunha parte do local.

3. Optar para a tramitación do expediente polo sistema de taxación conxunta.

4. Aprobar a valoración correspondente ao dereito de arrendamento e indemnización do negocio do local sito en Entrepeñas 17, coa seguinte relación de dereito afectado:

Titular: María Ángeles Iglesias López.

Ben: dereito de arrendamento e negocio do local num. 1 Entrepeñas 17.

Tipo de afección: parcial.

5. Requirir á comunidade de propietarios de Entrepeñas 17, en calidade de beneficiario do expediente expropiatorio, que con anterioridade é aprobación definitiva do expediente, deposite o importe ou aval bancario do 20 % do prezo xusto da valoración que se aproba neste expediente, que ascende a 553,56 euros».

O que se publica para os efectos de inicio do trámite de información pública, de conformidade co artigo 143.2 da Lei 9/2002, do 30 de decembro, de ordenación urbanística e protección do medio rural de Galicia, que dispón:

«2. O proxecto de expropiación cos documentos sinalados será exposto ao público polo prazo dun mes, para que aqueles que poidan resultar interesados formulen as observacións e reclamacións que consideren convenientes, en particular no que atinxe á titularidade ou valoración dos seus respectivos dereitos».

A Coruña, 20 de marzo de 2012

Martín Fernández Prado
Tenente de alcalde responsable da Área de Medio Ambiente,
Infraestruturas e Territorio