En cumprimento do disposto no artigo 32 da Lei 10/1985, de concentración parcelaria para Galicia, en relación co artigo 59.6.a) da Lei 30/1992, de réxime xurídico das administracións públicas e do procedemento administrativo común, esta xefatura territorial fai público que, con data do 5 de marzo de 2013 a Dirección Xeral de Desenvolvemento Rural da Consellería do Medio Rural e do Mar ditou a seguinte resolución:
«O Acordo da zona de concentración parcelaria de San Xoán de Visantoña (Santiso, A Coruña) foi aprobado pola Dirección Xeral de Infraestruturas Agrarias con data do 17 de agosto de 2004, e foi publicado e notificado na forma legalmente establecida, e na actualidade atópase pendente de firmeza.
Con posterioridade a estes actos, o Concello de Santiso, con data do 11 de xaneiro de 2013, solicitou a cesión da titularidade dos predios para os fins que se indican:
– Predio nº 89 do polígono 1, para instalar os sistemas de depuración das aldeas de Vilar da Vella, A Graña e Sardecoiro, así como para unha área recreativa.
– Unha porción de 4.884 m2 do predio 323 do polígono 3, para a construción dun punto de auga, a instalación dunha depuradora para a aldea de Puñín e zonas baixas de Seoane e para cargadoiro de madeira.
– Predio nº 479 do polígono 4, xa que nel está instalada unha depuradora municipal.
– Predio nº 774 do polígono 4, para a construción dunha área recreativa.
– Predio nº 1177 do polígono 6, xa que dispón dun lavadoiro que está a ser usado polos veciños, e para a súa adecuación como área recreativa.
– Predio nº 1197 do polígono 6, no que está construído o campo de fútbol.
– Predio nº 1252 do polígono 6, para a ampliación do cemiterio de Visantoña.
Visto o informe favorable da xunta local da zona, a Lei de reforma e desenvolvemento agrario, do 12 de xaneiro de 1973, a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro, a Lei 6/2011, do 13 de outubro, de mobilidade de terras, a Lei 30/1992, do 26 de novembro, de réxime xurídico das administracións públicas e do procedemento administrativo común, na súa redacción segundo a Lei 4/1999, do 13 de xaneiro, e demais disposicións legais vixentes de aplicación ao caso,
Á vista de que o destino para o que se solicitan os predios nº 89, 479, 774, 1177, 1197, 1252 e unha porción do nº 323, son perfectamente subsumibles no suposto recollido no artigo 32 da antedita lei galega, esta dirección xeral
resolve:
1. Modificar o Acordo de concentración parcelaria da zona de Visantoña (Santiso, A Coruña), no sentido de:
1.1. Segregar do predio nº 323 (Fondo de terras) 4.884 m2 de 1.926,70 puntos, pasa a figurar como predio nº 323-1; a restante superficie do primitivo previo, 28.830 m2 de 14.262,50 puntos, permanece no Fondo de terras da zona como predio nº 323-2.
1.2. Adxudicar ao Concello de Santiso a titularidade dos predios nº 89, 323-1, 479, 774, 1177, 1197 e 1252, que causan baixa no Fondo de terras da zona, para ser destinados aos fins que se recollen na parte expositiva da presente resolución.
2. Transcorridos cinco anos desde a cesión das titularidades sen que os predios fosen destinados aos fins para os fins para os que son adxudicados, a titularidade dos referidos predios reverterá ao Fondo de terras da zona, ao Patrimonio da Comunidade Autónoma, á Axencia Galega de Desenvolvemento Rural (Agader) ou outra entidade que corresponda, segundo o caso.
3. Ordenar que á presente resolución se dea a oportuna publicidade sen prexuízo da súa notificación ao Concello de Santiso».
Contra a presente resolución os interesados poderán interpoñer recurso de alzada ante a persoa titular da Consellería do Medio Rural e do Mar dentro do prazo de trinta días, que contarán desde o día seguinte ao da publicación desta resolución. Os recursos poderán presentarse nesta xefatura territorial (Edificio Administrativo Monelos, praza Luís Seoane, s/n, A Coruña), nas oficinas centrais da consellería (San Caetano, s/n, Santiago de Compostela) ou en calquera das dependencias a que fai referencia o artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 12 de abril de 2013
Antonio Manuel Aguión Fernández
Xefe territorial da Coruña