A Intervención Xeral da Comunidade Autónoma de Galicia, en execución do Plan de control financeiro 2006, aprobado de conformidade co disposto no artigo 107 do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia (DOG nº 214, do 5 de novembro), e de acordo co previsto no artigo 94 do dito texto e no artigo 42 da Lei 9/2007, do 13 de xuño, de subvencións de Galicia (DOG nº 121, do 25 de xuño), está realizando un control financeiro a Elaborados Marusía, S.L., en relación coa subvención percibida Axudas a empresas de transformación, conservación e comercialización de produtos do mar, financiada con fondos propios.

De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, mediante o presente faise saber:

1. Que, tentada a notificación do informe definitivo de control financeiro a Elaborados Marusía, S.L., non foi posible practicala.

2. Que, por medio do presente anuncio, se pon de manifesto que Elaborados Marusía, S.L. ou persoas debidamente autorizadas deberán comparecer no prazo de dez días contados desde o seguinte á publicación deste no Diario Oficial de Galicia, nas oficinas desta Subdirección Xeral de Auditoría de Fondos Comunitarios e Subvencións, sita no Edificio San Caetano, s/n, bloque nº 3 (Intervención Xeral da Comunidade Autónoma-Consellería de Facenda), de luns a venres, das 9.00 ás 14.00 horas, co obxecto de facerlles entrega do informe definitivo de control financeiro efectuado a Elaborados Marusía, S.L.

3. Que, se rematado o prazo sinalado non tivesen comparecido, a notificación entenderanse producida para todos os efectos legais desde o día seguinte ao do vencemento do prazo para comparecer.

Santiago de Compostela, 12 de abril de 2013

Jacinto Álvarez Somoza
Subdirector xeral de Auditoría de Fondos Comunitarios e Subvencións