O tenente de alcalde responsable da Área de Medio Ambiente, Infraestruturas e Territorio, con data do 11 de marzo de 2013, por delegación do alcalde a través do Decreto con data do 13 de xuño de 2011; emite decreto no que se aproban os seguintes puntos:
«Decreto:
1. Aprobar inicialmente a expropiación parcial dos locais comerciais 1 e 2 da planta baixa do inmoble número 14 da rúa Ramón Cabanillas; cuxa relación de bens e dereitos afectados é:
Baixo esquerdo:
Titular: Jacobo Montero Regueiro e María Amado Amado.
Ben: local baixo esquerdo Ramón Cabanillas, 14.
Predio rexistral: 21769, tomo 98, rexistro 1.
Tipo de afección: parcial.
Superficie afectada: 1,47 m2.
Baixo dereito:
Titular: María Pilar López González e Antonio Iglesias López. Matilde María López González.
Ben: local baixo dereito Ramón Cabanillas, 14.
Predio rexistral: 21767, tomo 1427, folio 209 e 211.
Tipo de afección: parcial.
Superficie afectada: 1,80 m2.
2. Optar para a tramitación deste expediente polo sistema de tasación conxunta.
3. Requirir a comunidade de propietarios de Ramón Cabanillas 14 en calidade de beneficiario do expediente expropiatorio que, con anterioridade á aprobación definitiva do expediente, deposite o importe o aval bancario do 20 % da valoración que se aproba neste expediente, que ascende a 1.442,91 euros».
O que se publica para efectos de inicio do trámite de información pública, de conformidade co artigo 143.2 da Lei 9/2002, do 30 de decembro, de ordenación urbanística e protección do medio rural de Galicia, que dispón:
«2. O proxecto de expropiación cos documentos sinalados será exposto ao público polo plazo dun mes, para que aqueles que poidan resultar interesados formulen as observacións e reclamacións que consideren convenientes, en particular, no que atinxe á titularidade ou valoración dos seus respectivos dereitos».
A Coruña, 20 de marzo de 2013
Martín Fernández Prado
Tenente de alcalde responsable da Área de Medio Ambiente,
Infraestruturas e Territorio