Mª Teresa Vázquez Abades, secretaria xudicial do Xulgado do Social número 1 de Santiago de Compostela, fago saber que no procedemento ordinario 1134/2010 deste xulgado do Social, seguido por instancia de Ángela Illodo Ferreiro contra a empresa Cimavitour, S.L., Fondo de Garantía Salarial, se ditou a seguinte resolución cuxa parte dispositiva expresa:

«Que estimando integramente a demanda interposta por Ángela Illodo Ferreiro contra Cimavitour, S.L., debo condenar e condeno a demandada a lle aboar á demandante, coa responsabilidade subsidiaria do Fogasa, a suma de mil setecentos un euros (1.701 €), máis os xuros por mora previstos no artigo 29.3 do Estatuto dos traballadores respecto da dita cantidade.

Notifíquese ás partes e ao Fogasa esta resolución, e fágaselles saber que contra ela non cabe recurso (artigo 191.2 e disposición transitoria segunda da Lei reguladora da xurisdición social).

A anterior resolución entregarase ao secretario para a súa custodia e incorporación ao libro de sentenzas. Insírase nas actuacións por medio de testemuño.

Por esta miña sentenza, xulgando definitivamente na primeira instancia, pronúncioo, mándoo e asínoo».

E para que sirva de notificación en legal forma á entidade Cimavitour, S.L, actualmente en paradoiro descoñecido, insiro este edicto no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.

Santiago de Compostela, 3 de abril de 2013

A secretaria xudicial