O Pleno do Concello, en sesión que tivo lugar o día 25 de outubro de 2012, aprobou definitivamente o estudo de detalle da urbanización Residencial Golf Domaio, promovido pola Xunta de Compensación, un estudo redactado polo arquitecto Francisco Márquez Taín.

En cumprimento do disposto no artigo 92 da Lei 9/2002, do 30 de decembro, de ordenación urbanística e protección do medio rural de Galicia, publícase este anuncio e remitiranse á Consellería de Política Territorial, Obras Públicas e Vivenda copia autenticada do expediente e dous exemplares do instrumento aprobado definitivamente, debidamente dilixenciados polo secretario do concello.

Contra o acordo de aprobación definitiva, que pon fin á vía administrativa, poderase interpor recurso contencioso-administrativo, ante o Tribunal Superior de Xustiza de Galicia, no prazo de dous meses contados desde o día seguinte ao de publicación deste anuncio.

O que se fai público de acordo co sinalado no artigo 92.2 da Lei 9/2002, de ordenación urbanística e protección do medio rural de Galicia.

Moaña, 7 de decembro de 2012

José Fervenza Costas
Alcalde