O Pleno do Concello de Curtis, na sesión que tivo lugar o día 13 de febreiro de 2013, acordou a aprobación definitiva do Plan especial de infraestruturas deste concello.
O acto de aprobación definitiva do citado plan foi comunicado á Consellería de Medio Ambiente, Territorio e Infraestruturas o 7 de marzo de 2013 en cumprimento do disposto no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia.
A normativa urbanística e ordenanzas serán obxecto de publicación no Boletín Oficial da provincia da Coruña.
Contra este acordo, en aplicación do artigo 107.3 da Lei 30/1992, do 26 de novembro, de réxime xurídico das administracións públicas e do procedemento administrativo común, e dado que aproba unha disposición de carácter xeral, poderá interpoñerse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde o día seguinte ao da publicación deste anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa. Todo isto sen prexuízo de que se poida interpoñer calquera outro recurso que considere máis conveniente ao seu dereito.
Curtis, 21 de marzo de 2013
Javier Francisco Caínzos Vázquez
Alcalde