Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:
Solicitante: Central Eléctrica Sestelo y Cía., S.A.
Domicilio social: rúa Virgen de la Luz nº 3, 36860 Ponteareas.
Denominación: LMT e centro de manobra augas.
Situación: Mondariz.
Características técnicas: centro de manobra (CM) en caseta prefabricada con catro celas de liña compactas que seccionará as catro saídas en MT:
– Acometida LMT Fuente del Val Plástico, 30 metros subterráneos con RHZ1 e 19 aéreos con LA-56.
– Acometida LMT Fuente del Val Vidro, 30 metros subterráneos con RHZ1 e 82 aéreos con LA-56.
– Derivación CM augas, subterránea, 260 metros con RHZ1, desde o apoio nº 4ES00073 da LMT principal nº 1 Queidores-O Ceo á cela do CM augas.
– LMT subterránea subderivación CM augas-CT Sevilla, 122 con RHZ1.
A instalación está situada no Val, Mondariz.
Cumpridos os trámites ordenados na Lei 54/1997, do 27 de novembro, do sector eléctrico e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha da instalación, de acordo co artigo 131 do Real decreto 1955/2000, será de 12 meses a partir da recepción da presente resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir de día seguinte ao da notificación desta resolución; tamén poderá interpoñer calquera outro recurso que xulgue pertinente ao seu dereito.
Pontevedra, 11 de marzo de 2013
Ignacio Rial Santomé
Xefe territorial de Pontevedra
