Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:
Solicitante: Central Eléctrica Sestelo y Cía., S.A.
Domicilio social: rúa Virgen de la Luz nº 3-baixo, 36860 Ponteareas.
Denominación: centro de manobra Fozara.
Situación: Ponteareas.
Características técnicas: centro de manobra (CM) intercalado na LMT derivación 1 a Toutón, coa seguinte distribución: 1 cela entrada derivación 1 a Toutón, 1 cela interruptor automático saída derivación 1 a Toutón, 1 cela interruptor automático saída Fozara-Eléctrica de Cantoña, S.L. e 1 cela medida de tensión en barras. Realízase a entrada e a saída ao CM proxectado da LMT derivación 1 Toutón en subterráneo mediante 25 metros de entrada e 25 de saída con condutor RHZ1. A instalación está situada en Fozara, Ponteareas.
Cumpridos os trámites ordenados na Lei 54/1997, do 27 de novembro, do sector eléctrico e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha da instalación, de acordo co artigo 131 do Real decreto 1955/2000, será de 12 meses a partir da recepción da presente resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir de día seguinte ao da notificación desta resolución; tamén poderá interpoñer calquera outro recurso que xulgue pertinente ao seu dereito.
Pontevedra, 15 de marzo de 2013
Ignacio Rial Santomé
Xefe territorial de Pontevedra