Aprobado inicialmente o Plan especial de dotacións que afecta os terreos de titularidade da Comunidade de Montes Veciñais de Cuñas, sitos na rúa Valdarrosa, en Ponte Caldelas, polo Pleno da Corporación en sesión ordinaria do 21 de marzo de 2013, de conformidade co artigo 86.1.a) da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo dun mes, contado desde a publicación no Diario Oficial de Galicia.

Durante o dito prazo poderá ser examinado por calquera interesado nas dependencias municipais para que se formulen as alegacións que se consideren pertinentes ou obter copias.

As áreas afectadas son as seguintes: rúa Valdarrosa, en Ponte Caldelas, cunha superficie de 3.147,43 m2.

Ponte Caldelas, 22 de marzo de 2013

Perfecto Rodríguez Muíños
Alcalde