Hipólito Casal Orjales solicitou neste concello licenza de inicio de actividade de taller mecánico e de reparación de maquinaria e equipamentos agrícolas e vehículos que se vai desenvolver no interior dunha nave existente, nun espazo que vai ser acondicionado para tal efecto, da superficie de 383,41 m², sita no lugar coñecido como Bidueda, nº 14, na parroquia de San Sadurniño. En cumprimento do disposto no artigo 86 da Lei 30/1992, do 26 de novembro, de réxime xurídico das administracións públicas e do procedemento administrativo común, e no artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte (20) días hábiles, co fin de que durante este (que comezará a contarse desde o día seguinte ao da inserción deste anuncio no Boletín Oficial da provincia, no Diario Oficial de Galicia e no taboleiro de anuncios do Concello de San Sadurniño), poidan examinar o expediente nas oficinas deste concello, das 9.00 ás 14.00 horas, as persoas, sociedades ou entidades que dalgún xeito se consideren afectadas pola actividade que se pretende iniciar e desexen formular por escrito as alegacións que xulguen oportunas.

San Sadurniño, 14 de marzo de 2013

Secundino García Casal
Alcalde