Trámite de información pública de expediente sometido a avaliación de incidencia ambiental promovido por Maderas Raña, S.L., para instalar un serradoiro de madeira, na rúa A Coruña, nº 23, Ordes.

Maderas Raña, S.L. solicitou licenza municipal para instalar a actividade de serradoiro de madeira, na rúa A Coruña, nº 23, concello de Ordes. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este –que comezará a contarse desde a publicación do último anuncio no Boletín Oficial da provincia ou no Diario Oficial de Galicia– poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que xulguen oportunas.

Ordes, 13 de marzo de 2013

Manuel Regos Boquete
Alcalde