De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), publícase a notificación a Manuel Machado Rodríguez e a José Machado Rodríguez do apercibimento previo á execución forzosa da orde de demolición das obras promovidas por José Machado Pérez, consistentes na construción dunha vivenda unifamiliar, piscina e alpendre no lugar da Chaira, O Salgueiro, no termo municipal de Verín, provincia de Ourense.

O expediente relacionado atópase á disposición dos interesados na Axencia de Protección da Legalidade Urbanística, sita no Edificio Witland-Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o dito prazo, a notificación entenderase producida.

Os interesados dispoñen dun prazo de tres meses, contados a partir do día seguinte a aquel en que se producise a notificación desta cédula, para cumprir a orde de demolición das obras consistentes na construción dunha vivenda unifamiliar, piscina e alpendre no lugar da Chaira, O Salgueiro, no termo municipal de Verín, apercibíndolles que, no caso de incumprimento daquela, se procederá á súa execución forzosa mediante a imposición de multas coercitivas en contía de 1.000 a 10.000 euros ou, se é o caso, mediante a súa execución subsidiaria.

Para que conste e lles sirva de notificación aos citados interesados, en cumprimento do disposto no artigo 59.5 da LRXPAC, expido e asino esta cédula.

Santiago de Compostela, 20 de marzo de 2013

María Martínez Allegue
Directora da Axencia de Protección da Legalidade Urbanística