Pola Resolución do 7 de marzo de 2013, a Dirección Xeral de Desenvolvemento Pesqueiro acordou, en execución da sentenza do Tribunal Superior de Xustiza de Galicia do 7 de decembro de 2011, a ratificación e posterior inscrición no Rexistro de Confrarías de Galicia (folio 35 do libro 1º), da modificación do artigo 2 dos estatutos da Confraría de Pescadores de San Telmo de Pontevedra, referente ao seu ámbito territorial, que queda redactado do seguinte xeito:

«Desde Ponte da Barca a Punta Cocheras (límite de costa pola cara sur), de Punta Cocheras a Faro Verde (augas internas da ría de Pontevedra) e de Faro Verde a Punta Tenlo Chico (augas internas da ría de Pontevedra), de Punta Tenlo Chico a Porto de Combarro, e de Porto de Combarro a Ponte da Barca (límite pola cara noroeste)».

Santiago de Compostela, 8 de marzo de 2013

Susana Rodríguez Carballo
Directora xeral de Desenvolvemento Pesqueiro