Neste órgano xudicial tramítase xuízo verbal 220/2012, seguido por instancia de Abm Rexel, S.L.U., contra Touriño y Cebro, S.L., sobre reclamación de cantidade, no cal, por resolución do 11 de febreiro de 2013, se acordou publicar a seguinte:

«Sentenza: 22/2013.

Na cidade de Santiago de Compostela, 11 de febreiro de 2013.

Vistos por Margarita Isabel Poveda Bernal, maxistrada xuíza titular do Xulgado de Primeira Instancia número 1 de Santiago de Compostela, os presentes autos de xuízo verbal nº 220/2012 seguidos ante este xulgado entre partes, dunha, como demandante a mercantil Abm Rexel, S.L.U., con procuradora Sra. Arcos Romero e letrado Sr. Olivenza Gallardo, e doutra, como demanda a mercantil Touriño y Cebro, S.L., en rebeldía, sobre reclamación de cantidade, dítase esta sentenza sobre a base dos seguintes:

Decido que, estimando como estimo a demanda interposta pola mercantil Abm Rexel, S.L.U., con procuradora Sra. Arcos Romero, fronte á mercantil Touriño y Cebro, S.L., en rebeldía, debo condenar e condeno a demandada a pagar á demandante a cantidade de dous mil cincocentos noventa e seis con dez euros (2.596,10 €), máis os xuros do artigo 7 da Lei 3/2004, do 29 de decembro, con expresa imposición á parte demandada das custas procesuais causadas.

Únase a presente ao libro rexistro de sentenzas e autos definitivos civís deste xulgado, e expídase testemuño que se unirá aos autos a que se contrae.

Modo de impugnación: conforme o disposto no artigo 455.1 LAC, reformado pola Lei 37/2011, do 10 de outubro, de medidas de axilización procesual, tratándose dun xuízo verbal de contía non superior a 3.000 euros, esta sentenza non é susceptible de recurso ningún.

Así por esta a miña sentenza, pronúncioo, mándoo e asínoo».

Santiago de Compostela, 11 de febreiro de 2013

Emilio Alcalá-Zamora Canel
Secretario xudicial