Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a declaración de utilidade pública, en concreto, da instalación eléctrica que se cita:

Solicitante: Unión Fenosa Distribución, S.A.

Domicilio social: A Batundeira, 2 Velle, 32890 Ourense.

Denominación: LMT derivada Porto Prado.

Situación: Carballeda de Avia.

Características técnicas:

– LMT aérea a 20 kV de 1.607 m de lonxitude, con condutor tipo sección LA 56/54,6 mm2, e orixe na LMT ao CT Santo Estevo (32C044) e remate no CT Franqueirán (32A056).

Orzamento: 46.331,86 euros.

A relación concreta e individualizada dos bens ou dereitos afectados polo procedemento de expropiación forzosa figura no anexo.

Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, sita na rúa Curros Enríquez, 1, 3º andar, 32003 Ourense, no prazo de vinte días, a partir da última publicación ou notificación individual.

É de significar que esta publicación se realiza igualmente para os efectos determinados polo artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, cando os interesados sexan descoñecidos, se ignore o lugar de notifiación, ou ben cando, intentada a notificación, non se puidese realizar, e deste xeito dirixir ao Ministerio Fiscal as dilixencias que se produzan sobre estes, de conformidade co artigo 5 da Lei do 16 de decembro de 1954 sobre expropiación forzosa.

Ourense, 28 de febreiro de 2013

Gabriel Diégez Domínguez
Xefe territorial de Ourense

ANEXO
Relación de propietarios, bens e dereitos afectados

Expte. nº IN407A 2013/13-3. Concello: Carballeda de Avia. Provincia: Ourense.

LMT derivada Porto Prado.