De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase mediante a publicación no Diario Oficial de Galicia e exposición no taboleiro de edictos do Concello da Coruña a Manuel Raúl Trinidad Izquierdo, con DNI 78738773K, como propietario da embarcación Teresa Inés, con folio 3ª-CO-3-1084 segundo os datos que facilita a Dirección Xeral da Mariña Mercante, resolución que decreta a incautación da embarcación por non ser posible a notificación a través do servizo de Correos no último domicilio coñecido sito na praza Ruiz Rodríguez Lara, 1-4º B, A Coruña.

A embarcación, que presentaba danos graves no casco e no interior, foi remolcada ás instalacións do porto deportivo de Sada por persoal de Portos de Galicia por instancia da Mariña Mercante por atoparse á deriva dentro da dársena portuaria, e posteriormente retirada de maneira forzosa á zona de varada do porto por persoal de Portos de Galicia tras incumprirse a orde de retirada emitida pola Dirección o 15 de setembro de 2011 e publicada no Diario Oficial de Galicia número 203, do 24 de outubro de 2011.

A presente resolución emítaa a Presidencia de Portos de Galicia en virtude das competencias conferidas polo artigo 6.3.l) da Lei 5/1994, do 29 de novembro, de creación da entidade pública Portos de Galicia, e ao abeiro do establecido na regra décimo quinta da tarifa E-2 prevista na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia e no artigo 49 do Regulamento de servizo e policía portuarios, aprobado pola Orde ministerial do 12 de xuño de 1976, considerando que a embarcación leva máis dun ano na zona de varada, o importe global das débedas creadas e non satisfeitas sobre ela ascende a 15.141,27 euros, e segundo taxación practicada por Portos de Galicia o seu valor máximo é de 1.500 euros.

Outórgaselle ao propietario da embarcación un último prazo de quince días, contados desde a publicación e exposición desta cédula, durante os cales poderá reclamar e retirar a embarcación depositada na zona de varada do porto deportivo de Sada, para o cal deberá poñerse en contacto coas oficinas portuarias e acreditar previamente o aboamento da totalidade dos débitos pendentes xerados pola embarcación.

Para o seu exame, o expediente completo atópase nas dependencias dos servizos centrais de Portos de Galicia en Área Central; praza de Europa, 5-A, 6º, 15707 Santiago de Compostela.

Esta resolución esgota a vía administrativa e contra ela poderase interpor recurso contencioso-administrativo, perante o Xulgado do Contencioso-Administrativo de Santiago de Compostela que corresponda, nun prazo máximo de dous meses contados desde a súa publicación ou exposición, ou recurso potestativo de reposición, perante esta presidencia, nun prazo máximo dun mes contado desde a mesma data.

E para que conste e lles sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula.

Santiago de Compostela, 18 de marzo de 2013

José Juan Durán Hermida
Presidente de Portos de Galicia