Polo prazo de vinte días e para os efectos establecidos no artigo 8.3 do Decreto 133/2008, do 12 de xullo, sométese a información pública o expediente de solicitude de licenza municipal para levar a cabo as obras de centro xestor de residuos, coas seguintes características:

Localización das obras: Santa Cristina de Barro, Noia (A Coruña).

Cualificación urbanística: solo non urbanizable común (rústico de protección ordinaria segundo os artigos 33, 36 e 42 da Lei 9/2002, de ordenación urbanística e protección do medio rural de Galicia).

Uso solicitado: centro xestor de residuos

Parcela: 3.107,00 m2.

Ocupación máxima: do 14 % e inferior do 20 %.

Altura máxima: inferior a 7 metros e non supera as dúas plantas.

Lugar e horario de consulta da documentación completa: nas oficinas municipais do Departamento de Urbanismo do Concello de Noia, das 9.00 ás 14.00 horas.

Noia, 22 de febreiro de 2013

Rafael García Guerrero
Alcalde