Solicitada a licenza de actividade de instalación de depósito de GLP cunha capacidade de 4.000 litros (en azotea), sometida a avaliación de incidencia ambiental, por Gonzalo García Viador e/r Repsol Butano, S.A, neste concello tramítase o oportuno expediente.

En cumprimento do disposto no artigo 8.3 do Decreto 133/2008, do 12 de xuño, no que se regula a avaliación de incidencia ambiental, procédese a abrir período de información pública por termo de vinte días hábiles –que comezará a contarse desde o día seguinte ao da última inserción do presente anuncio no Boletín Oficial da provincia e no Diario Oficial de Galicia– para que, quen se vexa afectado dalgún modo pola dita actividade, presente as observacións que considere pertinentes.

O expediente obxecto desta información pódese consultar nas oficinas municipais en horario de oficina das 9.00 ás 14.00 horas.

Melide, 4 de marzo de 2013

Mª Ángeles Vázquez Mejuto
Alcaldesa