O Pleno desta corporación, na sesión ordinaria que tivo lugar o 27 de xullo de 2012, adoptou, entre outros, o seguinte acordo:

«41. Aceptar a amplicación das delegacións de competencias tributarias do Concello de Teo en relación coa facultade de establecer acordos e convenios coa Administración tributaria do Estado en materia de colaboración e inspección en relación co IBI.

Aceptar a ampliación das competencias delegadas en materia tributaria acordada polo Concello de Teo en relación coa seguinte materia:

• A facultade para establecer acordos ou convenios coa Administración tributaria do Estado en materia de colaboración e inspección en relación co imposto sobre bens inmobles.

O exercicio das competencias delegadas obxecto de aceptación levarase a cabo nos termos establecidos nas bases para a prestación dos servizos tributarios aos concellos da provincia e terá efectos desde o día en que se publique este acordo no Boletín Oficial da provincia conforme o establecido no artigo 7 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo».

O que se fai público para xeral coñecemento.

A Coruña, 18 de febreiro de 2013

María Padín Fernández José Luis Almau Supervía
O presidente/PDFR 5.8.2011/ Secretario da Deputación
A vicepresidenta Provincial da Coruña