Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: recuamento LMTS e CT Casaldabade, Pontepedra.

Situación: concello de Tordoia.

Características técnicas:

Tramo liña eléctrica de media tensión aérea a 20 kV, cunha lonxitude de 0,064 km, con orixe no apoio nº 11 da LMT MEI-823, tramo entre a derivada ao CT Bedrobe e o CS Castenda, condutor tipo LA 56/54,6 mm², e final no apoio nº 12 proxectado da LMT MEI-823, tramo entre a derivada ao CT Bedrobe e o CS Castenda.

Tramo liña de media tensión aérea derivada ao CTI Casaldabade a 20 kV, cunha lonxitude de 0,003 km, con orixe no apoio nº 12 proxectado da LMT MEI-823, tramo entre a derivada ao CT Bedrobe e o CS Castenda da LMT 56/54,6 mm², e final no CTI Casaldabade proxectado.

Centro de transformación intemperie, cunha potencia de 50 kVA e unha relación de transformación de 20.000/400-230 V.

Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución e do anexo I da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e o ambiente.

A instalación executarase nun prazo non superior a un ano, contado a partir da data desta resolución.

Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

A Coruña, 18 de febreiro de 2013

Susana Vázquez Romero
Xefa territorial da Coruña