O Pleno da Corporación Municipal do Concello de Cotobade, en sesión ordinaria celebrada o 25 de febreiro de 2013, adoptou acordo de aprobación inicial da modificación puntual das normas subsidiarias de planeamento municipal para a dotación de solo urbanizable industrial nas parroquias de San Xurxo de Sacos e Viascón.
De conformidade co establecido no artigo 85.2 da Lei 9/2002, de ordenación urbanística e protección do medio rural de Galicia, sométese o expediente a información pública durante o prazo de dous meses mediante anuncio que se publicará no Diario Oficial de Galicia e en dous dos xornais de maior difusión da provincia.
En virtude do disposto no artigo 77 da Lei 9/2002, do 30 de decembro, o dito acordo de aprobación inicial determina a suspensión do procedemento de outorgamento de licenzas naqueles ámbitos do territorio cuxas novas determinacións supoñan a modificación da ordenación urbanística vixente.
Cotobade, 26 de febreiro de 2013
Jorge Cubela López
Alcalde