De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que a continuación se relaciona a resolución sobre a suspensión da execución do acto impugnado, ao ser devolta polo servizo de Correos porque, intentada a notificación, esta non se puido efectuar.

Segundo establece o artigo 61 da citada lei, a interesada dispón dun prazo de dez días, contados desde o día seguinte ao da publicación deste anuncio no Diario Oficial de Galicia, para coñecer e examinar o texto íntegro da resolución, que se atopa á súa disposición na sede da Axencia Galega de Desenvolvemento Rural, lugar da Barcia, 56, Laraño, 15897 Santiago de Compostela.

A resolución que se notifica pon fin á vía administrativa e contra ela cabe formular recurso contencioso-administrativo no prazo de dous meses desde o día seguinte ao da publicación deste anuncio no Diario Oficial de Galicia, ante o xulgado do contencioso-administrativo que resulte competente por aplicación e de conformidade co establecido nos artigos 8.3 e 14 da Lei 19/1998, do 13 de xullo, reguladora da xurisdición contencioso-administrativa.

Persoa interesada: Ana María García Vázquez.

Resolución sobre a suspensión do acto impugnado pola vía do recurso de reposición (Acordo do Consello de Dirección de Agader do 20 de novembro de 2012). Sentido da resolución: desestimatorio.

Santiago de Compostela, 21 de febreiro de 2013

Antonio Crespo Iglesias
Director xeral da Axencia Galega de Desenvolvemento Rural