Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 178/2011 por instancia de Álvaro Allande Besteiro contra a empresa Tecmegal Fabricación y Montaje, S.L., sobre cantidade, nos cales se ditou sentenza o 25.1.2013 que, copiada nos particulares necesarios, di así:
Resolución:
Estímase a demanda interposta por Álvaro Allande Besteiro fronte a Tecmegal Fabricación y Montaje, S.L. e, en consecuencia, condénase a Tecmegal Fabricación y Montaje, S.L. a aboar ao demandante a cantidade de mil seiscentos vinte e oito euros con catro céntimos de euro (1.628,04 euros).
Notifíquese a resolución ás partes, facéndolles saber que contra ela non cabe recurso ningún.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña.
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Tecmegal Fabricación y Montaje, S.L. expido e asino o presente edicto.
A Coruña, 6 de febreiro de 2013
O secretario xudicial