1. Entidade adxudicadora.
a) Organismo: Concello de Cabana de Bergantiños.
b) Dependencia que tramita o expediente: Secretaría.
c) Número de expediente: 52/2013. Código: 12.860.
2. Obxecto do contrato.
a) Descrición do obxecto: xestión integral do servizo de abastecemento de auga potable e saneamento no concello de Cabana de Bergantiños, mediante licitación con multiplicidade de criterios, por procedemento aberto.
b) Lugar de execución: Concello de Cabana de Bergantiños.
3. Tramitación e procedemento.
a) Tramitación: urxente.
b) Procedemento: aberto, con multiplicidade de criterios de adxudicación.
4. Orzamento de adxudicación.
4.1. Retribucións do concesionario.
a) As tarifas de consumo de auga, conservación de acometidas e contadores, dereitos de acometida, servizo de sumidoiros etc. que sexan ofertadas polo licitador no seu proxecto de explotación e sempre tendo en conta as establecidas na Ordenanza fiscal reguladora da taxa pola subministración de auga potable, pola acometida á rede xeral de abastecemento e á rede xeral de saneamento, e pola prestación do servizo de saneamento e depuración de augas residuais, aprobada polo Pleno en sesión que tivo lugar o día 29 de marzo de 2012, e en vigor no día de hoxe segundo anuncio de aprobación definitiva publicado no BOP número 104, do 4 de xuño de 2012, que se xunta como anexo II.
b) Os importes correspondentes aos prezos que o adxudicatario oferte relativos á execución material para a redacción de orzamentos de conexións e prolongacións de redes de abastecemento de auga e saneamento e que non poderán ser superiores aos que aparecen recollidos no anexo III.
c) A subvención ao concesionario para manter o equilibrio económico do contrato. O importe da subvención terá unha contía anual fixa que será a solicitada polo licitador cun límite máximo de 39.486,74 euros.
4.2. Obrigas económicas a cargo do concesionario.
d) Canon anual a favor do concello: o concesionario está obrigado a pagar un canon anual como contraprestación económica pola utilización das instalacións municipais que forman parte do servizo municipal de auga e rede de sumidoiros. O importe do canon calcularase como unha porcentaxe sobre a facturación real de cada ano, partindo dun mínimo dun 2 % e que poderá ser ampliado polos licitadores valorándose de conformidade co disposto na cláusula décimo cuarta.
5. Garantías.
a) Provisional: non se exixe.
b) Definitiva: 5 % do importe dos ingresos previstos polo adxudicatario durante os 25 anos de duración da concesión e que figuran no proxecto de explotación presentado a licitación, IVE excluído.
6. Obtención de documentación e información.
a) Entidade: Concello de Cabana de Bergantiños.
b) Enderezo: A Carballa, s/n, Cesullas, 15115 Cabana de Bergantiños.
c) Teléfono: 981 75 40 20. Fax: 981 72 42 29.
d) Perfil de contratante: www.concello-cabana.com
7. Clasificación do contratista: non se exixe.
8. Presentación de ofertas ou das solicitudes de participación:
a) Data límite de presentación: dentro do prazo de 8 días naturais, contados desde o seguinte ao da última publicación deste anuncio no BOP ou no DOG, das 8.30 ás 14.00 horas.
b) Documentación que hai que presentar: a sinalada nos pregos de cláusulas administrativas particulares e de prescricións técnicas.
c) Lugar de presentación: Concello de Cabana de Bergantiños. Rexistro Xeral. A Carballa, s/n, Cesullas, 15115 Cabana de Bergantiños.
9. Criterios de adxudicación do contrato.
Os criterios contidos no prego e coa ponderación que se sinala. Publicados no perfil de contratante: www.concello-cabana.com
10. Apertura das ofertas.
No prazo máximo dun mes contado desde a data de finalización do prazo para presentar as ofertas ou desde o día seguinte á entrada no Rexistro Xeral do Concello da última proposta remitida por correo.
11. Gastos dos anuncios.
Serán de conta do adxudicatario os gastos sinalados no prego de cláusulas administrativas particulares e de prescricións técnicas, incluídos os anuncios publicados.
Cabana de Bergantiños, 21 de febreiro de 2013
José Muíño Domínguez
Alcalde
