Nesta xefatura territorial recibiuse escrito do Xulgado do Contencioso-Administrativo número 2 de Ourense en relación co recurso contencioso-administrativo P.A. 16/2013-D interposto por Construcciones Hermanos Carrajo, S.A., contra a Resolución do 5 de novembro de 2012, da Consellería do Medio Rural e do Mar, que desestima o recurso de alzada relativo ao expediente sancionador MON-OU-2-2012-ONA

En consecuencia, esta xefatura territorial acordou nesta data, e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo á referida sala, o que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos seguidos no Xulgado do Contencioso-Administrativo número 2 de Ourense no prazo de nove (9) días, contados desde o seguinte ao da publicación desta resolución no Diario Oficial de Galicia.

Ourense, 1 de marzo de 2013

P.V. (Resolución 26.6.2012)
José Antonio García Rodríguez
Xefe territorial de Ourense