O 23 de xaneiro de 2013, a Xefatura Territorial da Coruña ditou a resolución do expediente sancionador 2012294AL-CO incoado a Industria Tostadero Aruba, S.L.

Intentada a notificación da resolución segundo o disposto no artigo 59.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e ao abeiro do disposto no número 5 do dito artigo, notifícase a Industria Tostadero Aruba, S.L. o contido da dita resolución que figura como anexo, para que poida ter coñecemento del.

Así mesmo, fáiselle saber o dereito que a asiste para interpoñer recurso de alzada, ante a conselleira de Sanidade, no prazo dun mes contado desde o día seguinte ao da publicación desta cédula, segundo establece o artigo 115 da Lei 30/1992, do 26 de novembro, lembrándolle o seu dereito a consultar o expediente depositado nas dependencias da xefatura, sita na rúa Gregorio Hernández, 2-4, A Coruña, e a obter, de ser o caso, copia do expediente, segundo o previsto na letra a) do artigo 35 da citada Lei 30/1992, do 26 de novembro.

No caso de estar de acordo co contido desta resolución, o aboamento voluntario da sanción poderá facerse no seguinte prazo: 1) as notificadas entre os días 1 e 15 de cada mes, desde a data da notificación ata o día 20 do mes posterior ou, se este non for hábil, ata o inmediato día hábil seguinte; 2) as notificadas entre os días 16 e último de cada mes, desde a data da notificación ata o día 5 do segundo mes posterior ou, se este non for hábil, ata o inmediato día hábil seguinte. Todo isto mediante o ingreso que poderá efectuar en calquera oficina de Caixa Galicia, conta contable 840, código 001; en Caixanova, Recadación Xunta; en BBVA, transacción 1316, NIF S1511001H, ou en Banesto, empregando os impresos normalizados que se lle facilitarán nas dependencias da xefatura territorial.

Esta cédula expídese para que conste e lle sirva de notificación á interesada, en cumprimento do disposto no artigo 59.5º da Lei 30/1992, do 26 de novembro.

A Coruña, 11 de febreiro de 2013

Emma Rego Valcarce
Xefa territorial da Coruña

ANEXO

Nº expediente: 2012294AL-CO.

Interesada: Industria Tostadero Aruba, S.L.

DNI/NIF/CIF: B70182936.

Último enderezo coñecido: rúa Bell, 50, polígono O Espírito Santo, 15660 Cambre.

Feito imputado: infracción da lexislación aplicable en materia sanitaria.

Artigos infrinxidos: Lei 17/2011, do 5 de xullo, de seguridade alimentaria e nutrición; artigo 50.1.d) e artigo 51.1, parágrafos 1º e 4º. Regulamento (CE) 852/2004, do 29 de abril, do Parlamento Europeo e do Consello, sobre hixiene dos produtos alimenticios; artigo 5, anexo II, capítulo I, puntos 1 e 10; capítulo V, punto 1.a); capítulo VI, punto 1; capítulo IX, puntos 2 e 3, e capítulo X, puntos 2 e 3. Real decreto 1231/1988, do 14 de outubro, polo que se aproba a Regulamentación técnico-sanitaria para a elaboración, almacenamento, transporte e comercialización do café; artigo 5.9, artigo 6.4 e artigo 18.

Tipificación: leve.

Sanción imposta: 600 € (seiscentos euros).