No procedemento de referencia ditouse a sentenza, cuxo encabezamento e parte dispositiva se fan constar literalmente:
«Sentenza: 46/2011.
Xuízo verbal nº 580/2010.
Santiago de Compostela, 25 de febreiro de 2011.
Sentenza:
Vistos por min, Ana Belén López Otero, maxistrada xuíza do Xulgado de Primeira Instancia número 4 de Santiago de Compostela, estas actuacións de xuízo verbal tramitadas co número 580/2010, en que interviñeron, como demandante Telecor, S.A., Sociedade Unipersoal, representada pola procuradora dos tribunais Sra. Goimil Martínez e asistida polo letrado Sr. Martínez-Olivares e, como demandado, Jesús Gato Varela, en situación de rebeldía, en virtude das seguintes consideracións, dispoño:
Estimar a demanda interposta por Telecor, S.A. e, en consecuencia, condénase a Jesús Gato Varela a lle aboar á demandante a suma de 368,15 euros, todo isto con expresa imposición de custas á demandada.
Notifíquese esta resolución a todos os interesados e fágaselles saber que contra ela cabe interpor recurso de apelación, que se deberá anunciar no prazo de cinco días a partir da súa notificación, mediante escrito presentado neste xulgado, e posterior interposición para a súa resolución pola Audiencia Provincial, logo de depósito da suma de 50 euros.
Así o acordo, mando e asino».
E como consecuencia do ignorado paradoiro de Jesús Gato Varela, expídese esta cédula para que lle sirva de notificación.
Santiago de Compostela, 10 de marzo de 2011
O/A secretario/a