Por instancia da entidade Casa do Patrón, S.L., representada por José Luis Mato Cachafeiro, estase a tramitar no Concello de Lalín o expediente para a obtención da licenza de obra, apertura e primeira ocupación para o acondicionamento de local para uso de restaurante no lugar de Codesedo, número 1, parroquia de Doade (Pontevedra) (expediente 7026/13).

En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación da incidencia ambiental, sométese a información pública o expediente mediante anuncios no Diario Oficial de Galicia e no Boletín Oficial de Pontevedra e exposición no taboleiro de anuncios do concello, para que poida ser examinado no Departamento de Urbanismo-Licenzas e se formulen, de ser o caso, alegacións ou reclamacións a este durante o prazo de vinte días, contados desde o seguinte ao da publicación deste anuncio no Diario Oficial de Galicia.

Lalín, 29 de xaneiro de 2013

Román Rodríguez González
Concelleiro delegado de Urbanismo