O Pleno municipal do Concello de Miño, na sesión ordinaria que tivo lugar o día 19 de febreiro de 2013, acordou, por maioría simple, co voto de calidade do alcalde presidente, ratificar o texto do documento de Convenio de transacción extraxudicial e Convenio urbanístico para a execución do planeamento para posibilitar a execución do sector de solo urbanizable R-3 Piñeiro do Plan xeral de ordenación municipal de Miño (A Coruña), subscrito o día 5 de febreiro de 2013 e someter este a información pública mediante anuncio no Diario Oficial de Galicia e nun dos xornais de maior difusión na provincia, por un período mínimo de vinte días hábiles, co obxecto de que as persoas interesadas poidan examinar este e formular as alegacións que estimen convenientes.

Miño, 21 de febreiro de 2013

Jesús Veiga Sabín
Alcalde