Por Resolución do 11 de setembro de 2012 fíxose público o resultado do proceso de selección das entidades colaboradoras na xestión das subvencións para garantir o acceso á internet de banda larga vía satélite, cofinanciadas co Feader, en réxime de concorrencia non competitiva (DOG nº 179, do 19 de setembro). No anexo I da citada resolución figura a relación das seis empresas seleccionadas, coas cales se asinou o correspondente convenio de colaboración que regula as obrigas e condicións que asumen como entidades colaboradoras.

Unha das empresas seleccionadas, Mira Novas Tecnoloxías, S.L., incumpriu as obrigas asumidas no convenio como entidade colaboradora, polo que se tramitou o procedemento de resolución do convenio de colaboración, que finalizou mediante Resolución do 3 de decembro de 2012, o que supón a perda da condición de entidade colaboradora, polo que se dispón dar publicidade á perda da condición de entidade colaboradora desta empresa.

De acordo co anterior,

RESOLVO:

Facer público, no DOG e na páxina web de Agader (http://agader.xunta.es), a perda da condición de entidade colaboradora de Agader na xestión das subvencións para garantir o acceso á internet de banda larga vía satélite da empresa Mira Novas Tecnoloxías, S.L.

Santiago de Compostela, 22 de xaneiro de 2013

P.D. (Resolución do 2.7.2007; DOG nº 134, do 11 de xullo)
Antonio Crespo Iglesias
Director xeral da Axencia Galega de Desenvolvemento Rural